Muy  Bastas

#Errekaleor geldizina da! #EstoNoPara!

erreka

Texto en castellano: http://errekaleorbizirik.org/index.php/es/21-errekaleor-geldizina-da-esto-no-para

Errekaleorreko ehun lagun baino gehiago batu dira auzoan, indar erakustaldi bat eginez. Urtarani negoziatzen jarraitzeko eskua luzatu diote; gainera, indar polizialen jarrera salatu dute.

Arduratuta agertu dira Errekaleorren. Azken asteetan, asko hitz egin da auzoari buruz; asko hitz egin, baina asko isildu ere. Izan ere, bi auzokidek indar polizialen mehatxuak jasan eta kolpatu egin zituzten.

“Publikoki eta jasandako erasoen gainetik, negoziatzeko deia egiten diogu Gorka Urtaran alkateari”. Zentzu honetan, EAJ-ren aurretiazko abisurik gabe eta bat batean jarrera aldatu izanak erabat harritu ditu auzokideak: “Are gehiago, Epaitegi Gorenean dugun auzia argitu bitartean itxarongo zuela adierazi zuenean”, gaineratu dute.

Geldiezinak direlaren irudia eman du Errekaleorrek, eta ateak zabalik dituztela argi adierazi dute: “Edonori ateak zabaltzen dizkiogu, baina irmotasunez esaten dugu: min ematera datorenak aurrean izango gaitu”.

erreka2

Idatzi erantzun bat